Sigmar vs Geri og Egill vs Jón

Það er ekkert að því að frétta menn reyni að kreista út úr stjórnmálamönnum svör sem þjóðin vill heyra! Sigmar stóð sig mjög vel í Kastljós þættinum í gær, en ekki er hægt að segja það sama um forsætisráðherrann okkar, sem mér þykir vera frekar nískur á skýringar sínar.

Ekki er hægt að líkja þessum þáttum saman, því Egill stóð sig enganveginn í sínum þætti þar sem Jón tók Egil á taugum.

Fréttamenn eru ætlaðir til að kryfja málefni líðandi stundar og færa almenningi fregnir af þeim, en ekki til að spyrja spurninga eftir pöntunum viðmælenda.

RÚV sagt kynda undir sleggjudómum og ofstæki

Athugasemdir

[Kalli Sveinss (IP-tala skráð) 23.10.2008 kl. 11:53]

Síðan hvenær varð eðal framsóknarmaðurinn Tryggvi, " útsendari" Davíðs ?? !

 Geir Haarde hefur á liðnum gerningavikum verið Íslandi sem Churchill var Bretum sumarið og haustið 1940.

 "Þegar bíður þjóðarsómi, þá á Ísland eina sál."

[Sigurður Bogi Sævarsson (IP-tala skráð) 23.10.2008 kl. 12:16]

Tryggvi var, skv. því ég best man, bæjarfulltrúi Framsóknar á Akureyri, og starfaði talsvert innan flokksins. Bróðir hans Ingvar var menntamálaráðherra flokksins og svo framvegis. Að mentorinn að norðan sé útsendari Davíðs er rosalegt bull.

sbs

[Guðmundur Margeir Skúlason, 23.10.2008 kl. 12:31]

Það á ekki að skipta máli í hvaða flokki menn eru, ef þeir vilja þagga niður spurningar þjóðarinnar þá eru þeir ekki lýðræðislegir að mínu mati. það er það sem mér hefur fundist vera að gerast eins og ég skrifaði á vissan hátt um í síðasta bloggi.

[Margrét (IP-tala skráð) 23.10.2008 kl. 13:44]

Mér finnst samt svo algjörlega misheppnað af þér að blanda Davíð í þetta mál.

[Rýnir (IP-tala skráð) 23.10.2008 kl. 13:45]

Sælir,  

Guðmundur Margeir, þú kannski útskýrir þá fyrir okkur hvernig í ósköpunum stendur þá á því að fyrirsögnin er "Útsendari Davíðs kvartar!"? Hitt er svo annað mál að Davíð virðist sogast inn í svo til alla umræðu sem hefur verið upp á síðkastið. Það er svo sem dálítið broslegt út af fyrir sig. Góðar kveðjur annars, Rýnir.

[Guðmundur Margeir Skúlason, 23.10.2008 kl. 14:05]

Ég vona þá að þessi fyrirsögn passi betur við. En skilaboðin áttu að tengjast með því að, mér hefur þótt Davíðs lykt af málflutningi margra og eins og hann láti aðra tjá sig í sína þágu.

[Margrét (IP-tala skráð) 23.10.2008 kl. 15:15]

Helduru í alvöru að Davíð þurfi að fá einhverja til að tjá sig í sína þágu? Mér hefur nú fundist hann standa sig bara ágætlega í að segja sínar skoðanir sjálfur.

[Rýnir (IP-tala skráð) 23.10.2008 kl. 15:51]

Sæl öll aftur, ég vill ekki vera leiðinlegur en mér finnst þetta dálitið dæmigert fyrir umræðuna í dag að mörgu leyti. Það er meira en góðu hófi gegni að, menn virðast sjá manninn svo til í nánast öllum hornum og ef hann er ekki þar, þá einhver sem hann hefur örugglega látið vinna verkin fyrir sig? Er búinn að setja inn nokkrar færslur þessu tengdu á: http://rynir.blog.is/blog/rynir/ .Vonandi getur einhver verið svo vinsamleg/ur og leitt mig betur í allan sannleika um eitthvað af þessum málum í athugasemdakerfinu. Góðar kveðjur Rýnir.